Қазақстан Ішкі істер министрлігі (ІІМ) әлеуметтік желілерде жалған ақпарат таратқан және ұлтаралық немесе діни алауыздықты қоздырған азаматтарға қатысты жүргізілген істер туралы ресми мәлімет таратты. Биылғы жылдың алғашқы алты айында осындай әрекеттері үшін тоғыз адам түрмеге қамалған.
Министрліктің мәліметінше, Абай облысында тұратын әйел TikTok-та ұлттық белгілерге қатысты балағат сөздер айтып, видео таратқан. Оның әрекеті ұлтаралық араздықты қоздыру ретінде бағаланып, сот үкімімен бас бостандығынан айырылған.
«2025 жылдың алты айында осы сипаттағы 64 қылмыстық іс қозғалды. 15 адам сотталды, соның ішінде 9 адам нақты түрме жазасына кесілді», – делінген ІІМ хабарламасында.
Сондай-ақ, Қызылорда облысында бір азамат көпшілік алдында діни алауыздықты қоздыратын мәлімдемелер жасағаны үшін сотталған.
Фейк ақпарат таратқандар да жазасыз қалмады:
-
Атырауда бір тұрғын «дамба қирады» деген жалған видео таратқан;
-
Петропавлда белсенді адам сотталғандар туралы жалған ақпарат таратқаны үшін жауапқа тартылған.
Жарты жылдың ішінде жалған ақпарат тарату фактісі бойынша 47 қылмыстық іс тіркеліп, 38 адам әкімшілік жауапкершілікке тартылған.
ІІМ ескерткендей:
-
Жалған ақпарат таратқаны үшін – 7 жылға дейін бас бостандығынан айыру жазасы қарастырылған;
-
Ұлтаралық, діни немесе әлеуметтік алауыздықты қоздырғандар – 20 жылға дейін сотталуы мүмкін.
TikTok және басқа әлеуметтік желілерде жарияланған кез келген контент заң аясында бағаланады. Қоғамдық тәртіпті бұзатын немесе алауыздыққа итермелейтін материал таратқандар енді ауыр жазаға тартылады. ІІМ қоғамды жауапкершілікпен және сындарлы пікірмен бөлісуге шақырып отыр.