Иран АҚШ әскерімен болуы мүмкін жердегі қақтығысқа дайындық ретінде миллионнан астам сарбазын мобилизациялады, деп хабарлайды EurasiaPulse.com ақпарат агенттігі.
Tasnim агенттігінің әскери дереккөзі хабарлағандай, жаппай мобилизациядан бөлек, соңғы күндері ирандық жастар Ислам революциясы сақшылар корпусының «Басидж» жасағына және армия қатарына өз еркімен қосылып жатыр.
«АҚШ Ормуз бұғазын ашу үшін өлімге апаратын, өзін-өзі құртатын әдістерге жүгінуде. Біз олардың бұл стратегиясына да, бұғазды жабық ұстауға да дайынбыз», – деді дереккөз.
Бұған дейін Иранның Сыртқы істер министрі Сейед Аббас Аракчи Тегеранның қарсыласу саясатын жалғастыратынын мәлімдеген болатын.
«Қазіргі біздің саясатымыз – қарсылықты жалғастыру. Ешқандай келіссөздер жүргізілген жоқ», – деп мәлімдеді ол.
Сондай-ақ министр үшінші елдердің соғысты тоқтатуға делдал болу әрекеттеріне қатысты пікір білдіріп, «халықаралық кепілдіктерге жүз пайыз сенуге болмайтынын» атап өтті.