Бұл туралы EurasiaPluse ақпарат агенттігі хабарлады.
Иран билігі еліміздегі ең ірі сауда порты — Бендер-Аббас қаласындағы Шахид-Раджаи портында болған ауыр жарылыс химиялық заттарды абайсыз қолданудың нәтижесінде орын алғанын хабарлады. Зымыран отынына ешқандай қатысы жоқ екенін атап өткені туралы 27 сәуірде Қорғаныс министрлігі мәлімдеді. Министрлік өкілдері бұл ақпараттардың «Иран дұшпандарының ықпалы» екенін атап өтті.
Министрліктің айтуынша, порттағы әскери жүктер орын алмаған, алайда жарылыстың себебі әлі анықталмаған. Жергілікті билік өрт сөндіру күштері өртті 90 пайызға жойып, жағдайдың бақылауда екенін мәлімдеді.
27 сәуір кешінде мемлекеттік БАҚ-қа жарияланған жаңалықтарға сәйкес, жарылыс нәтижесінде 40 адам қаза тауып, 1200 адам түрлі жарақат алған.
New York Times газетінің хабарлауынша, портта баллистикалық зымырандарға арналған натрий перхлораты жарылып кеткен. Tasnim ақпарат агенттігі жанармай резервуарының жарылуы туралы мәлімет таратты, бірақ Иранның мұнай өңдеу және тарату ұлттық компаниясы бұл оқиғаның мұнай өңдеу зауыттары, жанармай цистерналары, тарату кешені мен құбырлармен байланысы жоқ екенін атап өтті.
Төтенше жағдайларды басқару агенттігінің баспасөз хатшысы Хосейн Зафари, алдымен, апат жанғыш және химиялық заттар бар контейнердің жарылуымен байланысты болуы мүмкін екенін айтты. Сонымен қатар, жарылыс толқыныстың күшті болғаны соншалық, эпицентрден жақын орналасқан әкімшілік ғимараты толығымен қирап, көптеген көліктер өртенді.
Естеріңізде болсын, 26 сәуірде Иранның оңтүстігіндегі портта жойқын жарылыс болды. Осы қайғылы оқиғаға байланысты Мемлекет басшысы Иран Президентіне көңіл айту жеделхатын жолдады. Сондай-ақ, бұл порттың Қазақстан үшін маңыздылығы да талқыланды.
Фото: inform.kz сайтынан алынды