Бұл туралы EurasiaPluse ақпарат агенттігі хабарлады.
Израиль Газаға толық күшпен кіруге дайындалып жатыр
Израиль премьер-министрі Биньямин Нетаньяху алдағы күндері Израиль әскері Газа секторына толық көлемде басып кіріп, ХАМАС-ты жою үшін операцияны аяқтайтынын мәлімдеді. Оның айтуынша, соғысты тоқтату жоспарда жоқ, тек кепілге алынғандарды босату мақсатында уақытша бітім болуы мүмкін.
Нетаньяху Газа халқынан бір бөлігін басқа елдерге көшіру туралы да пікір білдірді. Бұл ұсынысты бұған дейін АҚШ-тың бұрынғы президенті Дональд Трамп ұсынған еді. Алайда араб елдері мен халықаралық қауымдастық оны бірден қабылдамаған болатын. Премьер-министрдің сөзіне сүйенсек, Израиль Газадан кеткісі келетін азаматтар үшін арнайы әкімшілік құрған, бірақ оларды қабылдауға дайын мемлекеттер қажет. Нетаньяху, егер осындай мүмкіндік болса, Газадан халықтың тең жартысынан көбі көшіп кетуі мүмкін екенін айтты. Бірақ, оның пікірінше, ХАМАС Газа аумағында енді қалмайды.
Айта кетейік, бұған дейін Израиль Газа секторын толық басып алып, белгісіз мерзімге оккупациялау жоспарын бекіткенін хабарлаған. Бұл шешім әскери қимылдар екі айға созылған бітімнен кейін қайта жандандырыла бастаған соң жарияланған еді.
Сондай-ақ, Нетаньяху Израильдің АҚШ-тың әскери көмегінен бас тартуы мүмкін екенін де мәлімдеген болатын.
Кілтсөздер: Израиль, Газа секторына басып кіру, ХАМАС, Нетаньяху мәлімдемесі, Газадан халықты көшіру, ізраиль әскери операциясы, уақытша бітім, АҚШ әскери көмегі.
Фото: inform.kz сайтынан алынды