Бұл туралы EurasiaPluse ақпарат агенттігі хабарлады.
Колумбия университеті Палестинаға қолдау білдіргені үшін қаржылық қысымға ұшырады
Колумбия университеті Палестинаға қолдау көрсеткені үшін АҚШ-тың бұрынғы президенті Дональд Трамп әкімшілігінен сынға түсіп, федералды қаржыландырудың қысқаруына байланысты шамамен 180 қызметкерді жұмыстан босататынын мәлімдеді. Университет басшылығының айтуынша, қызметкерлерді қысқарту қаржыландырудың азаюына тікелей байланысты қабылданған шешім.
Колумбия университетінің өкілі Джессика Мерфи университет зейнеткерлікке шығуға ынталандыратын арнайы бағдарламалар секілді бірқатар қаржылық үнемдеу шараларын жүргізгенін жеткізді. Алдағы уақытта университеттегі кейбір ғылыми зерттеу жобалары қысқартылса, өзгелері мүлде тоқтауы мүмкін. Қазіргі жалғасып жатқан зерттеулерге балама қаржыландыру көздері қарастырылып жатыр.
Мұндай қысқартудан созылмалы ауруларды емдеу және онкология саласы бойынша жүргізілген жобалар да шет қалмайды. Колумбия университетінің қатысуымен Палестинаға қолдау акциялары өтіп жатқан шақта, АҚШ-та федералды қаржыландыруды тоқтатуға қатысты пікірталастар өршіп тұр. Билік болса бұл шешімді университеттердегі әртүрлілік, теңдік және инклюзивтілік бағдарламаларымен, сондай-ақ Палестинаға бағытталған қолдау шараларымен байланыстырады.
"Антисемитизмге қарсы күрес" саясаты аясында Трамп әкімшілігі тарапынан қысымға ұшыраған Колумбия университеті 400 миллион долларды құрайтын мемлекеттік қаржыландыруынан айырылып қалмау үшін биліктің талаптарын орындауға мәжбүр болғанын хабарлады.
Айта кетейік, бұған дейін АҚШ үкіметі Гарвард университетіне бөлінетін 2,2 миллиард доллар қаржыны тоқтатып, шетелдік студенттерді қабылдау құқығын қайтарып алу және 1 миллиард долларды кері қайтару туралы шешім қабылдаған еді.
Кілтсөздер: Колумбия университеті, Палестинаға қолдау, Дональд Трамп, қаржыландыру, жұмыстан қысқарту, АҚШ, университет, ғылым мен зерттеу, инклюзивтілік, антисемитизм, федералды қаражат.
Фото: inform.kz сайтынан алынды