Бұл туралы EurasiaPluse ақпарат агенттігі хабарлады.
Литва Оттава конвенциясынан шығу туралы шешім қабылдады
Литва парламентінде өткен дауыс беру нәтижесінде 107 депутат жаяу әскерге қарсы миналарға тыйым салатын Оттава конвенциясынан шығуды қолдап, үшеуі қалыс қалды. Бұл шешім алты айдан кейін заңды күшіне енеді.
Литва Қорғаныс министрлігі бұл қадамды елдегі қауіпсіздік ахуалына байланысты қабылдағандарын мәлімдеді. Ведомствоның пікірінше, жаяу әскерге қарсы миналардан бас тарту Литваның қорғаныс қабілетін шектейді. Конвенциядан шығу ел аумағын қорғауды күшейтеді деп сенеді министрлік.
Литва бұл жоспарымен Польша, Эстония, Латвия және Финляндия елдерін алдын ала таныстырған. Аталған елдер де алдағы уақытта осы келісімге қатысу туралы ұстанымын қайта қарауға дайын екендігін жеткізді.
Айта кетейік, Литва Оттава конвенциясын 2003 жылы ратификациялаған болатын. Бұл халықаралық құжат жаяу әскерге қарсы миналарды қолдануға, өндіруге, тасымалдауға және жинауға тыйым салады. Дегенмен Ресей, АҚШ, Қытай сынды әлемнің 32 ірі елі бұл келісімге қосылмаған.
Сәуір айының соңында Латвия президенті Эдгар Ринкевич конвенциядан шығу туралы заңға қол қойды.
Еске сала кетейік, Қазақстан Президенті Қасым-Жомарт Тоқаев Литва басшысы Гитанас Науседаны Литва мемлекеттілігін қалпына келтіру күнімен құттықтаған болатын.
Кілтсөздер: Литва, Оттава конвенциясы, жаяу әскерге қарсы миналар, қорғаныс министрлігі, халықаралық келісім.
Фото: inform.kz сайтынан алынды