Бұл туралы EurasiaPluse ақпарат агенттігі хабарлады.
Мелания Трамптың Словениядағы қола мүсіні ұрланды
2020 жылы АҚШ-тың бұрынғы бірінші ханшайымы Мелания Трамптың құрметіне туған жері Севница қаласында қола мүсін орнатылған болатын. Бұл мүсін бұған дейін белгісіз адамдар өртеп жіберген ағаш ескерткіштің орнына қойылған. Алайда, жақында бұл қола мүсін ұрланып кетті.
Полиция 13 мамырда мүсіннің жоғалғанын хабарлап, тергеу жұмыстарын бастады. Құқық қорғау органдарының мәліметіне сәйкес, белгісіз біреулер ескерткішті аяғынан кесіп әкеткен. Аталған қола мүсіннің авторы – америкалық концептуалды суретші Брэд Дауни.
Мелания Трамптың туған жері Севница жұртшылығы жуырда АҚШ-тың экс-президенті Дональд Трамп қайта сайланған соң, оның әйелімен бірге Словенияға келеді деп үміттенген. Алайда Мелания қазірге дейін Орталық Еуропадағы шағын елі — Словенияға ресми сапармен келмеген және бұл ел туралы көп айта бермейді.
Айта кетейік, жақын уақытта Amazon Prime Studios Мелания Трамптың өмірі жайлы деректі фильм ұсынатыны мәлім болды.
Кілтсөздер: Мелания Трамп, қола мүсін, Севница, Словения, Дональд Трамп, өмірбаян, деректі фильм
Фото: inform.kz сайтынан алынды