Бұл туралы EurasiaPluse ақпарат агенттігі хабарлады.
Молдова ЕО-ға қашан толық мүше болады?
Молдовaның Еуропа одағына толық мүше болу мерзімі 2028 жылы анықталуы мүмкін. Бұл туралы ел президенті Майя Санду TV8-ге берген сұхбатында айтты. Оның сөзінше, келіссөздер 2027 жылдың соңында аяқталады деп жоспарлануда. Осыдан кейін, 2028 жылы ЕО-ға мүше барлық елдер Молдова келісімін ратификациялауды бастайды.
Майя Сандуның айтуынша, еуропалық шенеуніктер Молдовадағы реформалардың қарқынын жоғары бағалап отыр. Еурокомиссар Марта Кос та Молдованың ЕО-ға интеграция бағытында басқа елдерге қарағанда жылдам ілгерілеп жатқанын ерекше атап өтті.
Президент Санду елдің Еуропа одағына қосылуы алдағы парламент сайлауының нәтижесіне тікелей байланысты екенін жеткізді. «Барлығы парламент пен оның көпшілігінің қолдауына тіреледі», – дейді ол.
Айта кетейік, бұған дейін молдовалық депутаттар парламенттік сайлауды қыркүйек айына белгілеуі мүмкін екені хабарланған болатын.
Кілтсөздер: Молдова, Еуропа одағы, толыққанды мүше, еуроинтеграция, ЕО, парламенттік сайлау, реформалар
Фото: inform.kz сайтынан алынды