Пәкістан премьер-министрі Шахбаз Шариф президент Қасым-Жомарт Тоқаевпен телефон арқылы сөйлесті, деп хабарлайды EurasiaPulse.com ақпарат агенттігі.
Шахбаз Шариф Қасым-Жомарт Тоқаевты Қазақстанда өткен республикалық референдумның сәтті өтуімен құттықтады. Ол бұл оқиғаның мемлекеттік басқаруды нығайтып, халықтың әл-ауқатын арттырудағы тарихи маңызын атап өтті.
Пәкістан үкіметінің басшысы бүкілхалықтық дауыс берудің нәтижесі қазақстандықтардың президент Тоқаевтың саяси және әлеуметтік-экономикалық реформаларын кеңінен қолдайтынын айқын көрсетті деп санайды.
Мемлекет басшысы Шахбаз Шарифке құттықтауы мен референдум қорытындысына берген жоғары бағасы үшін ризашылығын білдірді.
Сонымен қатар тараптар екі ел арасындағы стратегиялық серіктестіктің оң қарқында дамып келе жатқанын талқылады. Осы тұрғыда президенттің биыл ақпанда Пәкістанға жасаған мемлекеттік сапары кезінде қол жеткізілген келісімдердің орындалу барысы сөз болды. Сондай-ақ екі ел басшылары өңірлік және халықаралық күн тәртібіндегі өзекті мәселелер бойынша пікір алмасты.