Бұл туралы EurasiaPluse ақпарат агенттігі хабарлады.
Ресей мен Украина арасындағы тікелей келіссөздерді қайта бастау туралы Ресей Президентінің бастамасы егжей-тегжейлі талқыланды. Бұл келіссөздерді 15 мамырдан бастап Ыстамбұлда өткізу ұсынылды.
Түркия Президенті Режеп Тайип Ердоған аталмыш бастаманы толығымен қолдап, келіссөздерге Ыстамбұл қаласында алаң ұсынуға дайын екенін айтты. Түрік тарап бұл келіссөздердің тұрақты бейбітшілікке бағытталғанына ерекше мән беріп, ұйымдастыру мен өткізу ісіне барынша қолдау көрсететінін жеткізді.
Ресми хабарламада: «Ресей Президенті Мәскеуде Жеңістің 80 жылдығына арналған салтанатты іс-шаралар және осы күндері өткен жоғары деңгейдегі халықаралық кездесулер туралы әсерімен бөлісті», – делінген.
Сонымен қатар, екі мемлекет басшылары сауда-экономикалық және инвестициялық байланыстарды кеңейтуге, энергетика саласындағы стратегиялық бірлескен жобаларды дамытуды көздейтіндерін атап өтті.
Кілтсөздер: Ресей-Украина келіссөздері, Ыстамбұл, бейбітшілік, Түркия, Режеп Тайип Ердоған, энергетика, стратегиялық жоба, сауда-экономикалық байланыс.
Фото: inform.kz сайтынан алынды