Шешенстан басшысы Рамзан Қадыров Бодрумдағы демалысы кезінде суға батып кете жаздаған.
Оқиға Кайнар ауданындағы бес жұлдызды қонақүйдің жағажайында күннің екінші жартысында болған. Қолда бар мәліметке сәйкес, Қадыров суға кірген сәтте кенеттен өзін жайсыз сезініп, қинала бастаған. Жағажайда болған қызметкерлер мұны байқап, бірден медицина қызметкерлерін шақырған.
Жедел жәрдем бригадасы оқиға орнына келіп, алғашқы көмекті жағажайда көрсеткен. Кейін Қадыровты жедел жәрдем көлігімен жеке ауруханаға жеткізген. Дәрігерлер оның жағдайын тұрақты әрі жақсы деп бағалап отыр. Біршама уақыт бақылауда болған соң, өміріне қауіп жоқ екені ресми түрде мәлімделді — деп жазады Haberler.