Бұл туралы EurasiaPluse ақпарат агенттігі хабарлады.
Конклав басталар алдында Сикстин капелласындағы бөтен адамдар сыртқа шығарылады. Осы сәтте «extra omnes» немесе «бәрі шықсын» деген пәрмен жарияланып, есіктер жабылады. Бұл — католик шіркеуінің жаңа Папасын сайлауға арналған құпия жиынның ресми басталғанын білдіреді.
Конклав кезінде кардиналдарға сыртқы әлеммен байланыс жасауға қатаң тыйым салынады. Бірінші дауыс беру кезеңінен кейін Сикстин капелласындағы арнайы мұржадан түтін шығады. Егер мұржадан ақ түтін көтерілсе, бұл жаңа Папаның сайланғанын көрсетеді. Ал қара түтін — дауыс беру әлі жүріп жатқанын білдіреді.
2005 және 2013 жылдары өткен соңғы екі конклав екі күнге созылған. Католик шіркеуінің жаңа басшысын сайлау тәртібі мен оның маңызын толығырақ арнайы материалдан оқи аласыз.
Кілтсөздер: Папа сайлауы, Католик шіркеуі, конклав, Сикстин капелла, ақ түтін, қара түтін, жаңа Папа.
Фото: inform.kz сайтынан алынды