Бұл туралы EurasiaPluse ақпарат агенттігі хабарлады.
Вьетнамда Telegram-ды бұғаттау қаупі: себептері мен үкімет ұстанымы
Вьетнам Технология министрлігінің жаңа қаулысы бойынша телекоммуникация компаниялары 2 маусымға дейін Telegram мессенджерін бұғаттау бойынша қабылданған шаралар жөнінде есеп беруі тиіс. Бұл туралы ведомство өкілдері хабарлады.
Тиісті құжатта Вьетнам полициясының мәліметтері көрсетілген. Ресми деректерге сай, елдегі 9600-ден астам Telegram арнасының 68 пайызы заңсыз әрекеттерге, оның ішінде алаяқтық, есірткі саудасы және терроризмге байланысты істерге қатысы бар болып шыққан. Технология министрлігінің өкілі Reuters агенттігіне Telegram-ға қатысты шешім мессенджердің үкіметтің сұранысына қарамастан пайдаланушылардың деректерін ұсынудан бас тартуымен тікелей байланысты екенін растады.
Айта кетейік, Telegram мессенджері бұл жайында әзірге ресми пікір білдірген жоқ.
Вьетнам Коммунистік партиясы бұқаралық ақпарат құралдарындағы цензураны қолдап, Meta, Google, TikTok сияқты ірі платформалардан үкіметке қарсы және жалған ақпараттарды өшіруді қатаң талап етіп келеді.
Еске сала кетейік, жақында Telegram мессенджері алғаш рет 540 миллион доллар пайда тапқаны туралы хабарланған болатын.
Кілтсөздер: Telegram, Вьетнам, мессенджер, заңсыз әрекет, бұғаттау, Вьетнам үкіметі, цензура, пайдаланушылар дерегі.
Фото: inform.kz сайтынан алынды