Бұл туралы EurasiaPluse ақпарат агенттігі хабарлады.
Қырғызстанда Ұлттық цифрлық валюта – цифрлық сом ресми түрде енгізілді. Ел президенті Садыр Жапаров «Қырғыз Республикасындағы ұлттық цифрлық валютаның құқықтық мәртебесіне қатысты» жаңа заңға қол қойды.
Жаңа заңға сәйкес, цифрлық сомды төлем ретінде қабылдаудан бас тартқандарға айыппұл салынады: жеке тұлғаларға – 3 мың сом, ал заңды тұлғаларға – 13 мың сом. Сонымен қатар, заңды тұлғалар мен кәсіпкерлерге өз атауларында «цифрлық сом» және «цифрлық сом платформасы» сөздерін пайдалануға тыйым салынды.
Цифрлық сом — Қырғызстан аумағында заңды төлем құралы ретінде қолданылатын ұлттық цифрлық валюта. Бұл бастама Қырғыз Республикасының Ұлттық банкі арқылы пилоттық жоба ретінде іске қосылған.
Айта кетейік, Қазақстанда да жол саласындағы ашықтықты қамтамасыз ету үшін «ҚазАвтоЖол» компаниясы цифрлық теңгені ендірген болатын.
Кілтсөздер: цифрлық сом, ұлттық цифрлық валюта, Қырғызстан, Садыр Жапаров, заңды төлем құралы, айыппұл, цифрлық теңге
Фото: inform.kz сайтынан алынды