Бұл туралы EurasiaPluse ақпарат агенттігі хабарлады.
Қытайда үнемшілдікке бағытталған жаңа талаптар енгізілді
Қытайдың Мемлекеттік кеңесі ресми қабылдаулар мен шығындарды үнемдеуге қатысты жаңа ережелер бекітті. Құжатта мемлекеттік және партиялық органдарға салтанатты дастарханнан, қымбат тағамдар мен сусын, темекі және алкогольден бас тарту тапсырылған.
Жаңа талаптарға сәйкес, қабылдаулар қатаң ішкі стандарттарға сай өтіп, барлық шығындар бақылауда болуы тиіс. Ресми іс-шараларда артықшылықтар көрсетілмей, үнемшілдік басты қағидаға айналады. Үкімет бұл ережелерді жергілікті және орталық деңгейдегі барлық мекемеде сақтауды міндеттеп отыр.
Мемлекеттік кеңес жаңа ережелердің 18 мамырдан бастап күшіне енгенін жариялады. Бұл шаралардың негізгі мақсаты – елдегі ысырапшылдыққа жол бермей, үнемдеуді дәріптеу.
Айта кетейік, бұған дейін Қытайда жасанды жаңбыр жаудыру тәжірибесі жүргізілгені хабарланған болатын.
Кілтсөздер: Қытай жаңалықтары, мемлекеттік қабылдаулар, үнемшілдік, шығындарды бақылау, алкоголь мен темекіден бас тарту, жаңа ережелер
Фото: inform.kz сайтынан алынды