Иран Украинаны АҚШ пен Израильдің Тегеранға қарсы «агрессиясына» қатысы бар деп ресми түрде айыптап, бұл жағдайды халықаралық деңгейге көтерді, деп хабарлайды EurasiaPulse.com ақпарат агенттігі.
Иранның Біріккен Ұлттар Ұйымындағы тұрақты өкілі Әмір Саид Иравани ұйымның бас хатшысы Антониу Гутерришке және Қауіпсіздік кеңесіне арнайы хат жолдаған.
Тегеранның пікірінше, Украинаның араб елдеріне дронға қарсы күрес бойынша мамандар жіберуі – Иранға қарсы бағытталған заңсыз әскери әрекеттерге тікелей қолдау көрсету болып саналады.
«Хатта Украинаның жүздеген сарапшыны аймаққа жөнелтуі Иранға қарсы заңсыз әскери әрекеттерге нақты әрі операциялық қолдау көрсету ретінде бағаланатыны айтылған», — делінген ресми құжатта.
Осылайша, Иран билігі Киевтің әрекетін өздеріне қарсы жасалған дұшпандық қадам деп бағалап отыр.