Бұл туралы EurasiaPluse ақпарат агенттігі хабарлады.
Осакада жеті бастауыш сынып оқушысын көлік қақты
Осака қаласында бейсенбі күні түстен кейін шамамен 13:30-да жеті бастауыш сынып оқушысын көлік қағып кетті. Балалар үйіне қайтып бара жатқанда жол апатына ұшыраған. Зардап шеккендердің бәрі дереу ауруханаға жеткізілді, қазіргі уақытта олардың жағдайы бірқалыпты, есін біледі.
Жол-көлік оқиғасына байланысты полиция 28 жастағы Хигашимураяма қаласының тұрғыны Юки Ядзаваны ұстады. Ол өзінің кінәсін мойындап, «өмірінен әбден шаршаған соң, әдейі балаларға соғылдым» деп мәлімдеген.
Айта кетейік, жақында Ванкуверде фестивальге келгендерді көлік қағып, бірнеше адам қаза тапқан болатын. Сондай-ақ Алматы-Бішкек тас жолында да жаяу жүргіншіні көлік қағып кетті.
Кілтсөздер: көлік қағып кетті, Осака, бастауыш сынып оқушылары, жол-көлік оқиғасы, жаяу жүргінші, Алматы-Бішкек тас жолы
Фото: inform.kz сайтынан алынды