Жезқазған қаласында саябақтарды күтіп-ұстауға бюджеттен жыл сайын жүздеген миллион теңге бөлінгенімен, тұрғындардың ең жиі баратын демалыс орындарының бірі — Жастар саябағы сын көтермейтін күйде қалып отыр.
Қала тұрғындарының айтуынша, саябақта:
-
Суару жүйесі мүлде жұмыс істемейді,
-
Фонтан тоқтап тұр,
-
Клумбалар арамшөпке толып кеткен,
-
Ағаштардың біразы қурап қалған,
-
Кешкі уақытта жарықтандыру жоқ,
-
Тротуарлар мүжіліп, жарамсыз күйге түскен.
Мұндай көрініске қарап, бюджеттен бөлінген қаражат нақты қайда және қалай жұмсалғаны белгісіз деген сұрақ туындайды. Жергілікті халық бұл мәселені бірнеше жылдан бері көтеріп келеді, алайда жағдай өзгеріссіз қалып отыр.
Қалалық әкімдік тарапынан нақты түсініктеме берілмеген. Ашық бюджет порталындағы деректерге сүйенсек, Жезқазғандағы абаттандыру мен көгалдандыру жұмыстарына қомақты сома қарастырылған.