Бул тууралуу EurasiaPluse маалымат агенттиги билдирди.
АКИpress – 18-майда саат 17.00дѳн 22.00гѳ чейин Улуттук тарых музейинде «Музейдеги түн» акциясы ѳтѳт.
Маалым болгондой, иш-чара Эл аралык салттуу музейлер күнүнүн алкагында жана музейдин 100 жылдык мааракесине карата уюштурулууда.
Борбордук Азиядагы эң ири музейлердин бири – Улуттук тарых музейдин масштабдуу 10 миңден ашуун кѳптѳгѳн кѳрүүчүлѳрдүн катышуусу күтүлгѳн акцияда бир эле мезгилде 70ге жакын иш-чара уюштурулары кабарланды. Музей кѳрүүчүлѳрү жана сүйүүчүлѳрү үчүн экспозиция залдарында «космос дүйнѳсү» авиация моделдери, улуттук оюндар, живопись, аплликация, скульптура ж.б. түрдүү ѳнѳрлѳр боюнча мастер-класстар менен дүйнѳ элдеринин маданий ѳзгѳчѳлүктѳрүн чагылдырган кытайдын музыкалык аспаптары, кийимдери каллиграфиялык сулуу жазуу ыкмасы, чай ичүү церемониясы, япон элинин бий элементтери, дзюдо чыгыш ѳнѳрү, элдик оюндары ж.б. боюнча чеберлердин кызыктуу программаларды тартууланып, оюндар ойнотулат.
Иш-чаранын алкагында манас айтылып, комузчулардын күүлѳрү аткарылып, ар улуттун бийлери бийленет жана Азия инновоциялык колледжинин чыгармачылык коллекциялары, №17 Кесиптик лицейдин жана Сүймөнкул Чокморов атындагы №10 кесиптик лицейдин жаш дизайнерлеринин салттуу жана заманбап кийимдери кѳрсѳтүлѳт.
«Кийиз дүйнѳ» коомдук фондусунун кыргыз улуттук кийимдеринин ѳзгѳчѳлүктѳрү тааныштырылат. Уз чеберлер кыргыздын салттуу элечек ороо, калпак жасоо, кыздын чачын ѳрүү, жүн сабоо, устачылык, упай, чүкѳ, топ таш ойноо, тогуз коргоол, сыяктуу эзелки элдик ѳнѳрлѳрүн, оюндарын кѳрүүчүлѳргѳ үйрѳтѳт. Баланы бешикке салуу салты, куурчак кѳргѳзмѳсү, сүрѳт тартуу, айкел жасоо, графика, макет, акриль сындуу ѳнѳрлѳрдүн мастер-класстары аткарылат.
Атайын салтанаттуу жыйындар залында Кыргызстандагы археологиялык изилдѳѳлѳр жана согуш темасы боюнча тасмалар кѳрсѳтүлѳт. Улуу Жеңиштин 80 жыл толушуна арналган кѳргѳзмѳ кѳрүүчүлѳргѳ сунушталат.
Сүрөт: akipress.org сайтынан алынды