2029-2030-жылдары Сырдарыянын алабындагы дарыялар изилденет

АКИpress –  Улуттук илимдер академиясынын Суу көйгөйлөрү жана гидроэнергетика институту 2029-2030-жылдары Сырдарыя бассейнинин мурда гидрологиялык байкоолор жүргүзүлүп, учурда иштеп жаткан дарыяларын жана алардын куймаларын изилдейт.

Тиешелүү мамлекеттик тапшырык Министрлер кабинети тарабынан 24-апрелде бекитилди.

Бул максаттарга Финансы министрлиги төмөнкү суммаларды бөлүп берет:

2029-жылы Сырдарыя дарыясынын бассейнин изилдөө объекттери боюнча – Фергана өрөөнүнүн түндүк чети жана Карадарыя – 7 млн 807 миң сом;

2030-жылы Сырдарыя дарыясынын бассейнин изилдөө объекттери боюнча – Фергана өрөөнүнүн түштүк чети жана Амударыя – 7 млн 821,2 миң сом.

Суу-энергетикалык ресурстарга баа берүү боюнча долбоорду ишке ашыруу үчүн гидрологиялык посттордун жайгашкан жерин (WGS-84 мейкиндик координаттар системасында) жана алардын абалын тактоо, ошондой эле суунун чыгымына контролдук өлчөөлөрдү жүргүзүү жана кичи ГЭСтерди жайгаштыруу үчүн рекогносцировкалык иштерди өткөрүү зарыл.

Бул гидрологиялык посттор аткарылуучу талаа иштеринин объектилери болуп саналат.

№ | Дарыя – гидропост | Гидропосттун учурдагы абалы

Сырдарья бассейни – Фергана өрөөнүнүн түндүк чет жакасы

1. Падыша-Ата – Тосту дарыясынын куймасы – Иштеп жатат

2. Кассансай – Кызыл-Токай кыштагы – 1994-жылдан бери жабык

3. Гава-Сай – Гава айылы – 1996-жылдан бери жабык

4. Чаткал – Терс дарыясынын куймасы – 1993-жылдан бери жабык

5. Терс – куймасы – 1969-жылдан бери жабык

Сырдарья бассейни – Карадарья дарыясынын бассейни

1. Карадарья – Өзгөн шаары – 1991-жылдан бери жабык

2. Тар – Чалма айылы – Иштеп жатат

3. Кара-Кулжа – Ак-Таш айылы; Кара-Кулжа – Биринчи май айылы – 2001-жылы жабылган, 2007-жылы көчүрүлгөн

4. Яссы – Салам-Алик айылы – Иштеп жатат

5. Күлдүк – Сары-Булак кыштагы – 1994-жылдан бери жабык

6. Донгуз-Тоо – Донгуз-Тоо айылы – Иштеп жатат

7. Зергер – Тосой кыштагы – Иштеп жатат

8. Куршаб – Гүлчө айылы – Иштеп жатат

9. Көгарт – Михайловка айылы – Иштеп жатат

10. Чангет – Чангет кыштагы – Иштеп жатат

11. Тентек-Сай – Чарвак кыштагы – Иштеп жатат

12. Шайдан-Сай – Шайдан айылы – Иштеп жатат

13. Майлуу-Суу – Кайрагач дарыясынын куймасы – Иштеп жатат

Сырдарья бассейни – Фергана өрөөнүнүн түштүк чет жакасы

1. Ак-Буура – Мынтеке дарыясынын куймасы – Иштеп жатат

2. Ак-Буура – Папай кыштагы – 1990-жылдан бери жабык

3. Ак-Буура – Түлөкөн кыштагы – 1991-жылдан бери жабык

4. Араван-Сай – Жаңы Ноокат айылы – Иштеп жатат

5. Араван-Сай – Каракол дарыясынын куймасы – Иштеп жатат

6. Кыргыз-Ата – Кыргыз-Ата айылы – Иштеп жатат

7. Каракол – Кошчан айылы – Иштеп жатат

8. Шанкол – Шанкол кыштагы – 1992-жылдан бери жабык

9. Абшир-Сай – Үч-Терек кыштагы – 1995-жылдан бери жабык

10. Исфарам-Сай – Үч-Коргон айылы – Иштеп жатат

11. Шахимардан – Жидалик айылы – Иштеп жатат

12. Сох – Сарыканда айылы – 1981-жылдан бери жабык

13. Исфара – Таш-Курган кыштагы – 1992-жылдан бери жабык

14. Кожобакырган – Андархан кыштагы – 1997-жылдан бери жабык

15. Ак-Суу – Донгуз капчыгайы – 1996-жылдан бери жабык