Бул тууралуу EurasiaPluse маалымат агенттиги билдирди.
АКИpress – Курулуш министрлиги «Аалам Строй» ЖЧКсынын мыйзам бузуулары боюнча материалдарды кылмыш ишин козгоо үчүн укук коргоо органдарына өткөрүп берди.
Министрлик белгиленгендей, буга чейин «Аалам Стройдун» лицензиясы токтотулган болчу.
Бирок Бишкек шаары боюнча архитектура-курулуш көзөмөлдөө башкармалыгынын инспекторлору компания монтаждоо иштерин улантканын жана үлүш ээлерин бүтө элек турак жайга уруксатсыз киргизгенин аныкташкан.
Мындан тышкары объектте коопсуздук эрежелери бузулганы дагы аныкталган.
«Өз билемдик фактысы боюнча кылмыш ишин козгоо үчүн материалдар укук коргоо органдарына өткөрүлүп берилди.
Белгиленген тартипке ылайык, курулуш объектисин пайдаланууга кабыл алуу актысы алына электе курулушу бүтө элек объектилерди пайдалануу мыйзам бузуу болуп саналат», – дейт Курулуш министрлиги.
Юстиция министрлигинин маалыматы боюнча, «Аалам Строй» ЖЧКсынын жетекчиси Аалиев Ниязбек Үсөнович, ал эми ээси Исаков Уланбек Абыласович болуп саналат.
Сүрөт: akipress.org сайтынан алынды