Бул тууралуу EurasiaPluse маалымат агенттиги билдирди.
АКИpress – АКШ Ирандын ядердик программасына байланыштуу жаңы санкцияларды жарыялады. Бул тууралуу Мамлекеттик департаменттин сайтында маалымдалды.
Чара «Fuya Pars» ирандык уюмуна жана анын үч жогорку даражалуу кызматкерине багытталган. Компаниянын Тегерандын коргонуу инновациялары жана изилдөөлөр уюму (SPND) менен байланышы бар экени кабарланууда. Санкциялар АКШда жеке адамдардын жана уюмдардын активдерин тоңдуруп, алар менен бизнес мамилелерин орнотууга тыюу салат.
«Иран ядердик программасын кеңейтүүнү улантууда жана бул тармакта изилдөөлөрдү жана иштеп чыгууларды жүргүзүүдө», – деп айтылат мамлекеттик катчы Марко Рубионун билдирүүсүндө.
Рубио Иран 60%дык тазалыкка чейин уранды байытуу менен алектенген жана ядердик куралы жок дүйнөдөгү жалгыз өлкө экенин кошумчалады. Бул деңгээл 2015-жылдагы өзөктүк келишимде белгиленген 3,67% максималдуу көрсөткүчтөн жогору.
11-майда Оманда АКШ менен Ирандын кыйыр сүйлөшүүлөрүнүн төртүнчү раунду аяктаган. Ирандын Тышкы иштер министрлиги сүйлөшүүлөрдүн төртүнчү раундун «татаал, бирок бири-бирин түшүнүүгө мүмкүнчүлүк түзөт» деп сыпаттаган. Эки өлкөнүн өкүлдөрүнүн кийинки жолугушуусу жакынкы аралыкта өтөөрү кабарланган.
Сүрөт: akipress.org сайтынан алынды