Бул тууралуу EurasiaPluse маалымат агенттиги билдирди.
Turmush — Аламүдүн районуна караштуу Сүймөнкул Чокморов айыл аймагына караштуу Мрамор айылдык маданият үйүндө улуттук наркты даңазалаган иш-чара өттү. Бул тууралуу аймактык кабарчыга аталган айыл өкмөттөн билдиришти.
Маалыматка караганда, иш-чаранын негизги максаты президенттин «Улуттук нарк» жөнүндө жарлыгын ишке ашыруу болуп саналат.
«Анда маданий кызматкерлери жана таланттуу айыл тургундары тарабынан улуттук нарктын уңгусу болгон улуттук каада-салттар, маданий мурасы катары калыптанган өнөрлөр тартууланып, кол өнөрчүлөрдүн кол эмгектери көргөзмөгө коюлду.
Иш-чарага райондук маданият бөлүмүнүн башчысы Дамира Кубатова, С.Чокморов айылынын башчысы Тимур Жумалиев, айылдык кеңештин төрагасы Максат Акматбаев жана бардык китепкана, клуб башчылары, айылдын таланттары катышты.
Мындай маданий иш-чаралар райондун бардык аймактарында уюштурулуп өткөрүлөт», – деп айтылат маалыматта.
Сүрөт: akipress.org сайтынан алынды