Бул тууралуу EurasiaPluse маалымат агенттиги билдирди.
АКИpress – Бишкек шаарында телефондук терроризмге шектүү кармалды, деп билдирди 6-майда ШИИБдин басма сөз кызматы.
5-майда саат 18:30 чамасында милицияга белгисиз эркек киши телефон чалган. Ал «Аsia Mall» соода борборунун имаратында жарылуучу зат бар экенин айтып, жакында жардыруу болот деп билдирген. Текшерүүдөн кийин соода борбордо шектүү эч нерсе жок экени аныкталган.
Бул факт боюнча Кыргыз Республикасынын Кылмыш-жаза кодексинин 259-беренеси (терроризм актысы жөнүндө атайылап жалган билдирүү) менен кылмыш иши козголду.
Бишкек ШИИБдин экстремизмге жана мыйзамсыз миграцияга каршы күрөшүү кызматынын ыкчам кызматкерлери жана УКМКнын Бишкек шаары боюнча башкармалыгынын кызматкерлери тарабынан 1994-жылы туулган А.Ж. аттуу шектүү кармалып, убактылуу кармоочу жайга киргизилди.
Милиция жалган маалымат тараткан жарандарга кылмыш жоопкерчилиги бар экенин эскертет.
Сүрөт: akipress.org сайтынан алынды