Бул тууралуу EurasiaPluse маалымат агенттиги билдирди.
Turmush — Ат-Башы районунда Улуу Ата Мекендик согуштагы Жеңиштин 80 жылдыгына арналган салтанаттуу иш-чара болуп өттү.Бул тууралуу аймактык кабарчы билдирди.
Маалым болгондой, быйылкы майрамга мурдагы жылдарга салыштырмалуу эл арбын катышты.
Салтанат жүрүшүндө райондо эмгектенип жаткан жумушчу-кызматкерлер, мектеп окуучулары борбордук аянттан өтүштү. Райондун таланттуу өнөр адамдары согуш жылдарындагы каардуу учурларды сахналаштырып, көрүүчүлөрдүн зор таасирине ээ болушту.
- Согуш жылдарында Ат-Башы районунан 2 647 жоокер фронтко жөнөтүлгөн. Алардын 1 679у гана мекенине тирүү кайтып келген. Ат-Башы — Советтер Союзунун Баатырлары Дайыр Асанов менен Анварбек Чортековдун туулган жери. Мындан сырткары, бул аймактан чыккан 68 жоокер «Кызыл Жылдыз» ордени менен сыйланган.
Бүгүнкү күндө райондо согуштун көзү тирүү жалгыз катышуучусу — 100 жаштагы Сатынды Жапаров гана калган. Ардагер атайын даярдалган майрамдык салтанатка катышып, элдин зор урмат-сыйына бөлөндү.
«Кызыл Жылдыз» ордени СССР учурунда берилген. Ал:
– Аскердик кызматтагы каармандык үчүн;
– Согуш талаасында көрсөткөн эрдик жана чебердик үчүн;
– Чек араны коргоодо же ички коопсуздукту камсыздоодо көрсөткөн эрдик үчүн ыйгарылган.
Кыскача айтканда, «Кызыл Жылдыз» ордени фронтто, согуштук аракеттерде өзгөчө баатырдык көрсөткөн аскерлерге, офицерлерге жана айрым учурларда жөнөкөй кызматкерлерге да берилген.
Сүрөт: akipress.org сайтынан алынды