Бул тууралуу EurasiaPluse маалымат агенттиги билдирди.
Turmush — Акыркы коңгуроодо акча чогултууга тыюу салынат. Бул тууралуу Баткен облустук билим берүү бөлүмүнөн билдиришти.
Маалыматка караганда, облус аймагында бардык жалпы билим берүүчү мекемелеринде 2024-2025-окуу жылын жыйынтыктоочу салтанаттуу иш-чараларын уюшкандыкта өткөрүү жана коомдук тартипти камсыз кылуу максатында, облустук администрациясынын буйругу чыккан.
Буйруктун негизинде балдардын өмүрүнө жана саламаттыгына кооптуу болгон ар кандай иш-чараларды өткөрүү үчүн акча топтоого, мектеп базасынан сырткары майрамдык салтанаттарды, бүтүрүү кечелерин уюштурууга жана жаратылышта эс алууга тыюу салынат. Ошондой эле салтанаттуу иш-чаранын соңунда мыйзамсыз айдалган автоунаа менен көчөлөрдө жүрүүгө, коомдук жайларда тартип бузууга жол берилбейт жана атайын рейд жүргүзүлөт.
Ал эми бул күнү мектептин айланасында күйүүчү, пиротехникалык жана башка травматикалык заттарды колдонууга уруксат берилбейт.
- Облус аймагында 9-классты 10459, 11-классты 5322 окуучу аяктайт. 2025-2026-окуу жылынын 1-сентябрына 10946 окуучу баруусу күтүлүүдө. Быйылкы жылы жалпы 237 мектепте 129390 окуучу билим алууда.
Сүрөт: akipress.org сайтынан алынды