Бул тууралуу EurasiaPluse маалымат агенттиги билдирди.
Turmush — Баткен шаарынын 75 жаштагы тургуну Рахманов Төлөн аксакал 30 жылдан бери комуз чаап келет. Аймактык кабарчы уста менен таанышты.
Өзүнүн айтымында, атасы уста болгон.
«1995-жылдан бери комуз жасап келем. Ошол жылы Таласта Манастын 1000 жылдыгы болгон. Ошондо менин жасаган комуздарымды көргөзмөгө алып барып, мени алып барышкан эмес. Телеберүүдөн бир гана менин комузум чыккан. Ошондо ушунчалык капа болгом. Бир жагы Баткендин атын чыгардым деп кубандым.
1 жылда орточо 50-60 даана комуз чыгардым. Россия, Түркияга чейин буйрутма берип алып кетишет. Ошол убакта баштап жасап баштаганымда обончу аткаруучу Аппаз Жайнаков 2 комузумду 350 сомдон сатып келген. 1жыл жасаган комуздар баары ошол жылы эле сатылып кетет.
Күздө суу кайткан маалда өрүктү кесип алам. Канчалык көп турса ошончо жакшы болот. Мурда өрүк табыш кыйын эле. Азыр өрүк деле көп. Кылын сурангандарга ичегиден тартып берем. Анан негизи кыл жиптерди сатышат, ошолордон эле тагам. Бардык материал даяр болуп, такталар даяр болсо бир комузду 1 жумада жасайм.
Андан сырткары жыгачтан идиш-аяктарды жасайм. Жыгач кайнатылып анан даярдалат. 5-6 ай кургайт, түйшүгү оор. Жыгачты тешүү кыйын, жарылып кетиши ыктымал.
Ыраматылык атам менин төрөлгөнүмө 20 күн болгон эле өтүп кетиптир. Атам да комуз жасап, чертчү экен. Эми менин балдарым да жасайт. Бир кыйналып жүргөн, жокчулук учурлар болду. Ошондо да ушул өнөр нан таап берди. Ушуга шүгүр келтирем«», – Төлөн ата.
Устанын колунан чыккан комуздар 8000 сомго чейин бааланат.
Сүрөт: akipress.org сайтынан алынды