Бул тууралуу EurasiaPluse маалымат агенттиги билдирди.
АКИpress – Бишкек шаарынын мэриясы 2 млрд 625 млн сомдук инвестициялык келишимге кол койду. Бул тууралуу мэриянын басма сөз кызматы билдирди.
Документке мэр Айбек Жунушалиев жана «Инвест Кей Джи Холдинг» ЖЧКсынын өкүлү кол коюшту. Тараптар Бишкек шаарындагы турак жай жана коммерциялык объектилерди куруу, реконструкциялоо жана көрктөндүрүү боюнча комплекстүү долбоорду ишке ашыруу боюнча макулдашышты.
Демилгелердин арасында мурдагы батыш автобекетинин имаратын көргөзмө борборуна реконструкциялоо, ошондой эле «Жаштык» жана «Октябрдын 40 жылдыгы» сейил бактарын жаңыртуу бар.
«Тазалык-1» жана «Тазалык-2» жаңы базаларын жана муниципалдык ишкана үчүн абоненттик тейлөө бөлүмүнүн имаратын куруу пландаштырылууда. Эски базалардын ордуна мейманкана, апартамент, көп кабаттуу үйлөр, коомдук жана бизнес борборлор пайда болот.
Долбоор ошондой эле жол инфраструктурасын, атап айтканда, Жибек Жолу проспектисиндеги батыш автобекетинин маңдайындагы жер алдындагы өтмөктү реконструкциялоону камтыйт.
Юстиция министрлигинин маалыматы боюнча, «Инвест Кей Джи Холдинг» ЖЧКсы 2025-жылдын 27-январында катталган. Жетекчиси — Янковская Оксана Игоревна, уюштуруучулары — Алексей Губарев жана «Invest KG holding limited». Юстиция министрлигинде «Invest KG holding limited» жөнүндө маалымат жок.
Сүрөт: akipress.org сайтынан алынды