Бул тууралуу EurasiaPluse маалымат агенттиги билдирди.
АКИpress – Бүгүн, 16-майда Кыргызстандыктар мобилдик жана интернет байланышсыз калышты.
Маалыматка ылайык, «MEGA» уюлдук операторунун иши үзгүлтүккө учураган. Компаниянын өкүлдөрү маалымдагандай, авариядан улам негизги байланыш түйүндөрүнүн көйгөй жаралган. Адистер көйгөйдү чечүүгө аракет кылып жатканы кабарланды.
«О!» уюлдук оператору 14-майда «Айчүрөк» соода борборунун жанында кабелдердин үзүлүшүнөн улам байланышта үзгүлтүк байкалганын, бирок ал 15-майга карата жоюлганын билдирди. Учурда байланыш жана интернет кадимкидей иштеп жаткандыгы кабарланды. «Beeline» компаниясы да соода борбордун жанындагы жол иштеринен улам интернет жана мобилдик байланышта убактылуу көйгөйлөр болушу мүмкүн экендигин белгилеп, ал абоненттерге эч кандай таасир этпей тургандыгына ишендирди.
Операторлор муну Бишкектеги Чүй проспектиси менен Шопоков көчөсүнүн кесилишинде жер алдындагы өтмөктүн курулушуна даярдык иштеринин башталышы менен байланыштырышууда.
9-майдан тарта бул жол тилкеси транспорт үчүн толук жабылган. Долбоор «Ташболот Холдинг» жана «Олд Бишкек» ЖЧК компанияларынын жеке инвестицияларынын эсебинен жалпы бюджети 2 миллиард сомго ишке ашырылары айтылууда.
Сүрөт: akipress.org сайтынан алынды