Бул тууралуу EurasiaPluse маалымат агенттиги билдирди.
АКИpress – Алдамчылык фактысы боюнча козголгон кылмыш ишинин алкагында Ысык-Көл облусунун Чоң-Сары-Ой айыл өкмөтүнүн башчысынын мурдагы орун басары А.М.Б. жана анын жакын тууганы Б.А.Б. кармалды.
УКМК билдиргендей, А.М.Б. мамлекеттик органдардын кызматкерлери менен байланышын пайдаланып, уюшкан кылмыштуу топтун курамында болуп туруп Ысык-Көл районунун курорттук-рекреациялык зонасындагы жер участокторун жеке менчикке берүү жөнүндө токтомдорду жана башка документтерди жасалмалаганы аныкталган. Жер участоктору тиешелүү адамдарга катталып, үчүнчү жактарга сатылган.
Учурда алдамчылык жана расмий документтерди жасалмалоо фактылары боюнча тергөө иш-чаралары уланууда. Ушуга байланыштуу УКМК кармалган адамдардан жабыр тарткандарды же кандайдыр бир маалыматка ээ болгондорду УКМКнын Ысык-Көл облусу боюнча нөөмөт кызматына 03922 5-11-80 байланыш телефону аркылуу кайрылууну суранат», – деп айтылат расмий маалыматта.
Сүрөт: akipress.org сайтынан алынды