Бул тууралуу EurasiaPluse маалымат агенттиги билдирди.
АКИpress – Бразилиялык кечил Ина Канабарро Лукас 116 жаш 326 күн жашап көз жумду. Бул тууралуу «AFP» Порту-Алегри шаарындагы диний жамаатка таянып билдирди.
Америкалык Геронтологиялык изилдөөлөр тобунун (GRG) жана «LongeviQuest» маалымат базасынын маалыматы боюнча, эң узак жашаган адам титулу англиялык Суррей графтыгынан Этель Кейтеремге өттү. Ал былтыр август айында 115 жашка толгон.
Ина Канабарро Лукас дүйнөдөгү жашы эң улуу адам наамын январь айында япониялык Томико Итоока каза болгондон кийин алган. Ал дагы 116 жашта болчу.
Лукас өзү 1908-жылдын 27-майында төрөлгөнүн айтканы менен, документтер боюнча ал 8-июнда төрөлгөн, деп билдирди «AFPге GRG’нын» жетекчиси Роберт Янг.
Геронтологиялык изилдөөлөр тобунун маалыматына ылайык, Ина Канабарро Лукас Бразилиянын түштүгүндөгү Риу-Гранди-ду-Сул штатында төрөлгөн.
Ал бразилиялык генерал Дэвид Канабарронун чөбөрөсү болсо, атасы 1923-жылы согушта каза болгон. Кичинекейинде Лукас өтө арык болгондуктан анын өмүрүнө коркунуч жаралган, деп жазат «GRG».
Ал мектеп-интернатта билим алган. 1928-жылы Уругвайдын борбору Монтевидеого көчүп барып, кечил болуп, эки жылдан кийин Бразилияга кайткан. Андан кийин Рио-де-Жанейродогу мектепте португал тили жана математика боюнча сабак өткөн.
Лукас 2021-жылдын январында 112 жашында коронавируска каршы эмделген. Ал эми 2022-жылы октябрда ооруканада жатканда COVID-19 вирусун жуктуруп алган. Бир айдан кийин ал айыгып, ооруну жеңген планетадагы жашы улуу адамдардын бири болгон.
Сүрөт: akipress.org сайтынан алынды