Бул тууралуу EurasiaPluse маалымат агенттиги билдирди.
АКИpress – Эмгек, социалдык камсыздоо жана миграция министрлиги эмгек келишимин туура түзүү боюнча кеңеш берди.
Министрлик эмгек келишимин түзүү расмий жумушка орношуунун маанилүү этабы болуп саналарын белгилейт.
«КРнын эмгек мыйзамдарына ылайык, келишим жазуу жүзүндө эки нускада таризделет: бири кызматкерге берилет, экинчиси иш берүүчүдө калат. Кол коюлган келишимдин негизинде үч күндүн ичинде ишке кабыл алуу жөнүндө буйрук (же тескеме) чыгарылат, аны менен кызматкер кол койдуруу менен тааныштырылат.
Мындан тышкары, ишке кабыл алууда иш берүүчү кызматкерди ички эмгек тартибинин эрежелери менен тааныштырууга, эмгекти коргоо боюнча инструктаж өткөрүүгө жана эмгек китепчесин ачууга (же толуктоого) милдеттүү. Мыйзам ошондой эле бир нече жумуш берүүчүлөр менен эмгек келишимдерин түзүүгө мүмкүндүк берет, эгерде буга тыюу салынбаса жана айкалыштырып иштөө менен жүргүзүлсө.
Сыноо мөөнөтүнө келсек, ал эмгек келишиминде тиешелүү шарт болгондо гана белгилениши мүмкүн. Эгерде мындай шарт жок болсо, кызматкер сыноосуз кабыл алынды деп эсептелет. Сыноонун максималдуу мөөнөтү — 3 ай, ал эми жетекчилер, алардын орун басарлары, башкы бухгалтерлер жана түзүмдүк бөлүмдөрдүн жетекчилери үчүн — 6 айга чейин. Мында сыноо мезгилине иш жүзүндө жок болгон күндөр киргизилбейт.
Жашы жетпегендер, акы төлөнүп, шайлануучу кызматка шайланган адамдар, кызмат орундарын ээлөө үчүн өткөрүлгөн сынактын жеңүүчүлөрү, ошондой эле иш берүүчүлөрдүн ортосундагы макулдашуу боюнча которулган кызматкерлер — сыноодон бошотулат.
Эгерде сыноонун жыйынтыгы боюнча кызматкер ээлеген кызмат ордуна ылайык келбесе, иш берүүчү бул жөнүндө кеминде 3 күн мурда эскертип жана негиздүү себептерин көрсөтүү менен келишимди бузууга укуктуу», – деп маалымдалат.
Сүрөт: akipress.org сайтынан алынды