Бул тууралуу EurasiaPluse маалымат агенттиги билдирди.
АКИpress – Индиянын Пакистанга каршы аскердик соккулары «Лашкар-и-Тайиба» террордук инфраструктуралык объектилерине багытталган. Бул тууралуу Индиянын Тышкы иштер министрлиги 7-майдагы брифинг учурунда билдирди.
Анткени Пакистан Индия көзөмөлдөгөн Кашмирде туристтерге кол салуу фактыларынын артында турган өз аймагындагы топторго каршы эч кандай аракет кылган эмес, деп билдирет «CNN».
Полковник София Куреши билдиргендей, «Синдур операциясы» деп аталган операция жергиликтүү убакыт боюнча саат 1:05 — 1:30 аралыгында болуп, 25 мүнөткө созулган. Бул Индиянын 1971-жылдагы согуштан берки Пакистандын аймагына жасаган эң алыскы соккусу болду.
Брифингде чиновниктер Пакистандагы буталарга жасалган соккулардын кадрларын көрсөтүштү. Алар Индия көзөмөлдөгөн Кашмирде жана Пакистандын Пенжаб провинциясындагы «Лашкар-и-Тайиба» жана «Жайш-и-Мухаммед» (JeM) бир нече окуу лагерлери жайгашкан аймактагы картаны көрсөтүштү.
Индиянын Тышкы иштер министринин орун басары Викрам Мисри Пакистанды апрель айында Индия башкарган Кашмирдеги жай тургундарга кол салууга кайрадан айыптап, Исламабад талаштуу аймакта «терроризмди» колдоп жатат деп жарыялаган.
Мисринин айтымында, кол салуунун максаты Жамму жана Кашмирде жана Индиянын башка бөлүктөрүндө жамааттар арасындагы кастыкты козутуу болгон. Нью-Дели Пакистанга каршы «Синдур» операциясын баштаганда, Индиянын чалгындоо кызматы өлкө аймагында жаңы чабуулдар пландалып жатканы тууралуу ишенимдүү маалыматтарга ээ болгон, деди ал.
Куреши операциянын жүрүшүндө аскердик объектилерге сокку урулбаганын жана Пакистандагы жай тургундардын арасында курмандыктар тууралуу билдирүүлөр түшкөн эмес деп билдирди.
Сүрөт: akipress.org сайтынан алынды