Бул тууралуу EurasiaPluse маалымат агенттиги билдирди.
АКИpress – 20-майда Юстиция министрлигинин борбордук аппаратынын жамаатына министрдин жаңы орун басарлары тааныштырылды.
Министрликтен билдиришкендей, буга чейин Министрлер кабинетинин төрагасы Адылбек Касымалиевдин тескемелери менен бир катар дайындоолор жүргүзүлдү.
Юстиция министринин биринчи орун басары болуп Алмазбек Зарылбек уулу дайындалды. Ошондой эле Кубан Казаков жана Сайра Ызакова да министрдин орун басарлары болуп дайындалышты.
Кубан Казаков – Юстиция министрлигинин кадрдык кызматкери. 2022-жылдан бери министрликтин алдындагы Пробация департаментин жетектеген. Ал 1-класстагы юстиция кеңешчиси класстык чинине ээ.
Сайра Ызакова дагы эмгек жолун Юстиция министрлигинен баштаган, ал эми акыркы жылдары министрликтин Экономикалык мыйзамдар башкармалыгын жетектеген. Ал дагы 1-класстагы юстиция кеңешчиси класстык чинине ээ.
Буга чейин юстиция министринин мурдагы орун басары Бактияр Орозов Илим, жогорку билим берүү жана инновациялар министри кызматына, ал эми юстиция министринин биринчи мурдагы орун басары Зарема Аскарова башка мамлекеттик кызматка өткөндүгүнө байланыштуу алардын кызмат орундары бош калган.
Сүрөт: akipress.org сайтынан алынды