Бул тууралуу EurasiaPluse маалымат агенттиги билдирди.
Turmush — Кант шаарында чет элдик студент Ысык-Ата райондук жол кыймылынын коопсуздугун камсыздоо бөлүмүнүн кызматкерлеринен качууга аракет кылды. Бул тууралуу Чүй ОИИББ боюнча ЖКККББнын басма сөз кызматы билдирди.
Маалыматка караганда, 17-майда Ысык-Ата райондук ички иштер бөлүмүнүн жол кыймылынын коопсуздугун камсыздоо бөлүмү тарабынан жол кыймылынын коопсуздугун камсыздоо жана айдоочулардын спирттик ичимдик ичип унаа башкаруусунун алдын алуу максатын көздөп, рейд өткөрүлгөн.
Рейд учурунда тескөөчүлөрдүн көңүлүн шек жараткан унаа буруп, аны токтотууга аракет кылышканда айдоочу милиция кызматкерлеринин талабына баш ийбей, качууга аракет кылган.
Кыска мөөнөттүү куугунтуктоодон кийин унаа айдоочусуз табылган. Кийинчерээк белгилүү болгондой, унааны башкарган жаш жигит жанындагы кыз менен чогуу унааны таштап, жакынкы турак жайлардын биринин короосуна жашынууга аракет кылган. Ал кыз айдоочу документтерин үйдө унутуп калганын жана жоопкерчиликтен коркуп качканын айткан.
Кийинчерээк унааны башкарган адам — чет элдик студент өзү келип, жол тескөөчүлөргө кайрылган. Анын үстүнөн кызматкерлер тарабынан эки административдик протокол түзүлгөн: биринчиси — милиция кызматкерлеринин мыйзамдуу талабына баш ийбегендиги үчүн, экинчиси — айдоочулук күбөлүгү жок унаа башкаргандыгы үчүн. Унаа айып аянтчасына токтотулган.
Чүй облустук ички иштер башкы башкармалыгы жол эрежелерин сактоо — ар бир айдоочунун милдети экенин, жарандыгына же өлкөдө болуу макамына карабастан бардыгына бирдей талап коюларын эскертет.
Сүрөт: akipress.org сайтынан алынды