Бул тууралуу EurasiaPluse маалымат агенттиги билдирди.
Turmush — Чүй облусунун Кара-Балта шаарында бир катар жолдорго асфальт төшөлүп жатат. Бул тууралуу аймактык кабарчыга мэриянын басма сөз кызматы билдирди.
Маалыматка караганда, Кара-Балта шаарынын мэри Мирлан Жекшенов, мэрдин орун басары Нурмат Рыскулбек уулу жана Маданият, спорт жана муниципалдык менчик башкармалыгынын башчысы Абдусамат Байышбаев менен биргеликте Совет көчөсүндөгү асфальт төшөө иштерине даярдык көрүү жумуштарын текшерди.
«Оңдолуп жаткан тилкенин узундугу 1208 метрди түзөт. Текшерүү учурунда аткарылып жаткан иштердин ылдамдыгы жана сапаты бааланып, мөөнөттөрдү жана технологиялык талаптарды сактоо боюнча бир катар тапшырмалар берилди.
Ошондой эле, 8-Март көчөсүндө жаңы асфальт төшөө иштери башталды. Шаар мэри Мирлан Жекшенов өзгөчө сапатына жана технологиялык талаптарды так аткарууга көңүл бурууну эскертти. Ошондой эле, тыгындарды азайтуу жана айдоочуларга шарт түзүү үчүн бир жуманын ичинде жолду ачуу керектигин тапшырды.
Белгилей кетсек, аталган жолго эки катмар асфальт төшөлөт. Узунун 1000 метрди түзүп, туурасы 10 метрге барат (буга чейин жолдун туурасы 8 метр болчу). Буга чейин бул көчөгө таза суу боюнча жаңы түтүктөр да салынган.
Шаар бийлиги жарандарды убактылуу ыңгайсыздыктарга түшүнүү менен мамиле кылууга чакырат», – деп айтылат маалыматта.
Сүрөт: akipress.org сайтынан алынды