Бул тууралуу EurasiaPluse маалымат агенттиги билдирди.
Turmush — Кара-Суу районунда жумуш издеп жүргөн жарандар үчүн бош орундар жармаңкеси уюштурулду. Бул тууралуу уюштуруучулар билдирди.
Маалым болгондой, ага 11 мекеме жана ишкана катышып, өздөрүндөгү бош кызмат орундары боюнча маалымат берип, жарандарга түздөн-түз жолугушуу мүмкүнчүлүгүн түзүштү.
Ошондой эле 3 кесиптик лицей мектеп бүтүрүүчүлөрүнө ар кандай адистиктерди тааныштырып, кесипке багыт берүү иштерин жүргүздү. Жалпы жонунан Кара-Суу районунун айыл өкмөттөрүнөн жана район тургундарынан 450дөн ашуун бош жумуш орду сунушталып, катышуучуларга тандоо мүмкүнчүлүгү берилди.
Кара-Суу райондук эмгек, социалдык камсыздоо жана миграция башкармалыгынын башчысы Нурлан Кочкорбаевдин айтымында, мындай иш-чаралар райондук администрация менен кызматташтыкта мындан ары да туруктуу негизде уюштурулуп турмакчы.
Сүрөт: akipress.org сайтынан алынды