Бул тууралуу EurasiaPluse маалымат агенттиги билдирди.
АКИpress – Ош облусундагы Кара-Суу районунун Кызыл-Мээнет айылында арстанды мыйзамсыз кармоо фактысы аныкталды. Текшерүүнү 18-майда Экологиялык жана техникалык көзөмөл кызматынын Ош облустук башкармалыгынын инспекторлору, ИИМдин кызматкерлери, Ош-Баткен мергенчилер жана балыкчылар коомунун кызматкерлери биргеликте жүргүзгөн.
Экотехкөзөмөл кызматынын маалыматы боюнча, жергиликтүү тургундардын бири 8 айлык арстандын ургаачысын уруксат берүүчү документтери жок багып жүргөн. Ага Кыргыз Республикасынын Укук бузуулар кодексинин 262-беренесинин 1-бөлүгүнө ылайык 20 миң сом айып салынды (эл аралык келишимдерге ылайык корголуучу же Кыргыз Республикасынын Кызыл китебине киргизилген жаныбарлар дүйнөсүнүн мыйзамсыз алынган объектилерин, анын ичинде алардын продукцияларын, терилерин, ошондой эле алардан жасалган тери буюмдарын ташып келүү, ташуу, сактоо жана сатуу).
Арстан Ош шаарындагы И.Эргешовго таандык зоопаркка убактылуу жайгаштырылды.
Сүрөт: akipress.org сайтынан алынды