Бул тууралуу EurasiaPluse маалымат агенттиги билдирди.
Turmush — Каракол шаарында Улуу Ата Мекендик согуштун ардагерлеринин жесирлерин жана оорукта эмгектенген ардагерлерди Улуу Жеңиштин 80 жылдыгына карата куттуктоо иш-чарасы өткөрүлдү. Бул тууралуу аймактык кабарчы билдирди.
Маалыматка караганда, ардагерлерди куттуктоо максатында ар бирине тиешелүү жетекчилер бекитилип, алардын үйлөрүнө барып, куттуктоо ишин жүзөгө ашырышкан. Иш-чарага Каракол шаарынын мэри Тимур Мадяров, Каракол бириккен шаардык аскер комиссариатынын өкүлдөрү жана Ысык-Көл облусунун ички иштер башкармалыгынын башчысы Мурат Боронов баштаган өкүлдөр катышты.
Салтанаттуу куттуктоонун жүрүшүндө ардагерлерге «1941–1945-жылдардагы Улуу Ата Мекендик согуштагы Жеңишке 80 жыл» юбилейлик медалы тагылып, акчалай жана белек баштыктары тапшырылды.
Бүгүнкү күндө Каракол шаарында согуштун 10 ардагеринин жесири жана ооруктун 5 ардагери жашап келет
Ооруктун ардагерлери:
Амердинова Турдукан — 1993-жылдын 16-декабрында туулган.
Абдиева Зайнагүл — 1937-жылдын 5-январында туулган.
Астахова Мария Яковлевна — 1932-жылдын 24-апрелинде туулган.
Какен Исаева — 1934-жылдын 7-январында туулган.
Колесников Егор Федорович — 1930-жылдын 3-январында туулган.
«Окуп жүргөн кезимде турмушка чыккам. Жолдошум менен 40 жыл бою Каракол сүт заводунда чогуу эмгектендик. Жакшы иштеп, көптөгөн сыйлыктарды алдык. 1966-жылы жолдошум каза болуп калды. Ал кезде бир уул, бир кыздуу элек. Тилекке каршы, кийин уулум да каза болуп калды. Азыр келиним Инабат мени карап жатат. Кызым Бишкек шаарында жашайт. Кудайым жакшылыктан ажыратпасын. Урук-тукумубуз менен аман болуп, дайыма жакшылыкта жолуга берели!» – дейт ооруктун ардагери Турдукан Амердинова.
Сүрөт: akipress.org сайтынан алынды