Бул тууралуу EurasiaPluse маалымат агенттиги билдирди.
АКИpress – Катардын премьер-министри Мохаммед бин Абдулрахман бин Жассим Аль Тани «Boeing 747-8» учагын Американын президенти Дональд Трампка «белекке» берүү пландалбаганын билдирди. Анын айтымында, бортту расмий түрдө өткөрүп берүү маселеси талкууланып жатат. Бул маалыматтар айтылган маекти «CNN» жарыялады.
«Бул өкмөттөр аралык келишим. Катардын Коргоо министрлиги жана АКШнын Коргоо министрлиги биздин учактардын бирин «Air Force One» (биринчи борт) катары колдонуу үчүн өткөрүп берүү мүмкүнчүлүгүн талкуулап жатышат», – деди Аль Тани.
Премьер-министр эгерде учакты өткөрүп берүү сунушу «мыйзамсыз» деп табылса, анда чечим өзгөрө турганын белгиледи.
Буга чейин «ABC News» өз булактарына шилтеме жасап, АКШ администрациясы баасы болжол менен 400 миллион долларды түзгөн учакты алууга даярданып жатканын билдирген. Трамп аны жеке учагы катары колдоно алат деп айтылган. Андан кийин президенттик китепкананын фондуна өткөрүлүп берилет.
Сүрөт: akipress.org сайтынан алынды