Бул тууралуу EurasiaPluse маалымат агенттиги билдирди.
АКИpress – Бишкек шаарындагы Киев жана Ибраимов көчөсүнүн кесилишиндеги имараттар бузулуп жатат. Президенттин катчысы Аскат Алагөзов буга байланыштуу маалымат берди.
«Өлкө боюнча кирешени легалдаштыруу жөнүндө мыйзам алкагында президент Садыр Жапаров оппозицияда жүргөн убагында башкаларга каттаткан мүлктөрүн, анын ичинде Бишкектеги Киев көчөсүнүн 96 дарегиндеги имаратты өзүнө каттатканын билдирген.
Бул кадамы менен мамлекет башчысы активдерин башкаларга каттаткандарды же чет жакта кармагандарды ресурстарын өлкөгө кайтарууга, легалдуу иштөөгө үлгү катары көрсөтүп чакырык жасаган.
Имараттын буздурулуп жатышы болсо анын жанында кошуна жайгашкан башка курулуш объектилеринин кожоюндарынын өз имараттары менен бирге Киев көч 96 дарегиндеги обьектини да бузуп, кеңейтилген жер тилкесинде көп кабаттуу ири комплексти куруу сунушу жана демилгесине байланыштуу.
Башкача айтканда соцтармакта сөз болгондой бир эле имарат эмес, ага жакын жайгашкан башка курулуштардын да бузулушу күтүлүүдө.
Демек бул аракет кошуна имараттардын кожоюндарынын өз ара макулдашуусунун жыйынтыгы.
Кошуна жайгашкан имараттардын ордуна бир ири комплекс курулуп бүткөндө ал курулушка салым кошкондорго үлүштүк негизде таандык болуп калат», – деп айтылат маалыматта.
Сүрөт: akipress.org сайтынан алынды