Бул тууралуу EurasiaPluse маалымат агенттиги билдирди.
АКИpress – Кыргызстан Казакстанга сугат мезгилинде дарыялар аркылуу 600 млн куб метрден ашык суу жиберет.
Казакстандын Суу ресурстары жана ирригация министрлиги маалымдагандай, Талас дарыясы аркылуу 400 млн куб метр жана Чу дарыясы аркылуу 180 млн куб метр суу өтөт.
Бул тууралуу Казакстандын суу министри Нуржан Нуржигитов менен Кыргызстандын Министрлер кабинетинин төрагасынын орун басары Бакыт Төрөбаев мамлекеттер аралык суу чарба курулмаларын пайдалануу боюнча казак-кыргыз комиссиясынын 35-жыйынында макулдашышты.
«Былтыр кыргызстандык кесиптештерибиз менен биргелешкен ишибиздин аркасында Жамбыл облусунун дыйкандарын сугат суу менен толук камсыздоого жетиштик. Мисалы, Талас дарыясы аркылуу Казакстанга болжолдонгон 380 млн кубометрдин ордуна 418 млн куб метр суу келген. Ал эми Чу дарыясы аркылуу 165,3 млн куб метр суу алынды, бул мурунку жылга салыштырмалуу 29,7 млн куб метрге көп», – деген Нуржан Нуржигитов.
Бул суу Жамбыл облусунун айыл чарба талааларын сугаруу үчүн колдонулат.
Сүрөт: akipress.org сайтынан алынды