Бул тууралуу EurasiaPluse маалымат агенттиги билдирди.
АКИpress – Жеңиш эстафетасы Кыргызстан боюнча сапарын аяктап, 4-майда «Бор-Дөбө» көзөмөл-өткөрүү пунктунда тажик чек арачыларына өткөрүлдү, деп маалымдады Чек ара кызматынын басма сөз кызматы.
3-майда Ош шаарында Улуу Ата Мекендик согуштун баатырларынын эрдигине арналган жүрүш болду. Буга чейин эстафета Ысык-Көл, Нарын жана Чүй облустарында болгон.
Кыргызстандын түштүк борбору Жеңиш эстафетасын салтанаттуу түрдө тосуп алган. Иш-чара «Өчпөс от» мемориалынын жанында башталды. Эстафетаны № 2024 аскер бөлүгүнүн аскер кызматкерлери, Кыргызстандагы Россиянын Федералдык коопсуздук кызматынын ыкчам чек ара тобунун өкүлдөрү жана Ош облусунун ардагерлери тосуп алышты.
Сүрөт: akipress.org сайтынан алынды