Бул тууралуу EurasiaPluse маалымат агенттиги билдирди.
АКИpress – Бишкек шаарында 22-майда Кыргызстандагы алгачкы эне жана балдарды колдогон «Эне үйү» («Эненин үйү») ресурстук борбору ачылды.
Эмгек, социалдык камсыздоо жана миграция министрлигинин басма сөз кызматы билдиргендей, бул борбор социалдык көйгөйлөрдү алдын алуу, жаңы төрөлгөн балдары бар энелерге комплекстүү жардам көрсөтүү, аялдардын укуктарын калыбына келтирүү жана аларга көмөктөшүү максатын көздөйт.
Борбор айымдарга убактылуу коопсуз жай болуп, психологиялык жана юридикалык жардам көрсөтүп, документтерди калыбына келтирүүдө колдоо кылат. Ошондой эле жумушка орноштурууга жана социалдык адаптацияга көмөк көрсөтөт.
Министрлик «Эне үйү» борбору үй-бүлөлүк кризистердин алдын алууга жана аялдар менен балдарга системалуу колдоо көрсөтүүгө багытталган өлкөдөгү биринчи моделдик аянтча болгонун белгиледи.
Сүрөт: akipress.org сайтынан алынды