Бул тууралуу EurasiaPluse маалымат агенттиги билдирди.
Билим АКИpress – 2025-жылдын 25-30-апрелинде Сараево шаарында (Босния жана Герцеговина) 42-Балкан математика олимпиадасы (BMO 2025) өттү.
Билим берүү жана илим министрлигинин басма сөз кызматы билдиргендей, олимпиадага 23 өлкөдөн 143 окуучу катышты. Жыйынтыгында 6 окуучудан турган Кыргызстандын командасы 1 күмүш, 4 коло медаль утту.
Алар:
- Бобрус Ян — күмүш медаль, «Газпром Кыргызстан» мектебинин 9-классынын окуучусу.
- Эшперов Нурсултан — коло медаль, «Газпром Кыргызстан» мектебинин 11-классынын окуучусу.
- Капаров Нурдөөлөт — коло медаль, «Газпром Кыргызстан» мектебинин 11-классынын окуучусу.
- Киргизбаев Назар — коло медаль, Бишкек шаарындагы №61 мектеп-лицейинин 11-классынын окуучусу.
- Султан Мусаходжаев — коло медаль, Бишкек шаарындагы №70 мектептин 9-классынын окуучусу.
- Асанкадыров Айдин — катышуучу, Бишкек шаарындагы №61 мектеп-лицейинин 11-классынын окуучусу.
Бардык окуучулар – Улуттук математика олимпиадасынын жеңүүчүлөрү. Олимпиадага даярдаган тренер — Мамат Ишматов.
Кыргызстан бул олимпиадага жетинчи жолу катышууда. Кыргызстандын окуучулары жалпысынан бул олимпиадада 12 медаль утушкан, анын ичинен 2025-жылы 5 медалга 2024-жылы 4 медалга ээ болушкан.
Балкан математика олимпиадасынын максаты таланттуу окуучуларды математика тармагында колдоо жана өнүктүрүү, катышуучу өлкөлөрдүн мектеп программалары жана тажрыйбасы боюнча маалымат алмашуу мүмкүнчүлүктөрүн түзүү, ошондой эле Эл аралык математика олимпиадасына (IMO) даярдык көрүү жана тажрыйба алуу болуп саналат.
За событиями в Кыргызстане следите в Телеграм-канале @akipress.
Бул макала Билим АКИpress басылмасынын интеллектуалдык жана автордук менчиги болуп саналат.
Материалды сайттан көчүрүп алуу редакциянын жазма уруксаты менен гана мүмкүн.
Комментарии будут опубликованы после проверки модератором
Сүрөт: akipress.org сайтынан алынды