Бул тууралуу EurasiaPluse маалымат агенттиги билдирди.
АКИpress – Кыргызстанда 2025-жылдын январь-мартында орточо айлык номиналдык эмгек акы 40 264 сомду түздү, деп маалымдайт Улуттук статистика комитети.
Эң жогорку эмгек акы Бишкек шаарында катталган — 50 470 сом. Бул республикалык көрсөткүчтөн 25%га жогору. Экинчи орунда Ысык-Көл облусу турат — 44 801 сом.
Облустар арасында Таласта (39 790 сом) жана Нарын облусунда (38 075 сом) жогорку аэмгек акылар катталган. Чүй облусунда орточо эмгек акы 32 443 сомду түздү.
Ош шаарында катталган орточо эмгек акы — 32 608 сом Чүй облусунун көрсөткүчүнө жакын.
Үч айдын жыйынтыгы боюнча эң төмөнкү эмгек акы Ош облусунда (25 873 сом), Баткен облусунда (29 316 сом) жана Жалал-Абад облусунда (32 777 сом) катталган.
Жогорку жана төмөнкү эмгек акынын ортосундагы айырма дээрлик эки эсеге жетет — Ош облусундагы 25 873 сом жана Бишкектеги 50 470 сом.
Муну менен эмгек акыны төлөөдө олуттуу аймактык айырмачылыктар сакталып жатканын көрүүгө болот.
Сүрөт: akipress.org сайтынан алынды