Бул тууралуу EurasiaPluse маалымат агенттиги билдирди.
АКИpress – Акыркы 2 жылда Кыргызстанга Түштүк Азия өлкөлөрүнөн келген мигранттардын саны бир топ көбөйдү. Бул тууралуу Тышкы иштер министрлигинин Консулдук департаментинин директорунун милдетин аткаруучу Азамат Калысбеков «Биринчи радионун» эфиринде билдирди.
Анын айтымында, мурда Индия жана Пакистандын жарандары көбүнчө окуу үчүн келишчү.
Адис Непал, Бангладеш, Шри-Ланка жана Пакистандын жарандары Кыргызстанды эмгек миграциясы үчүн ылайыктуу өлкө катары карап жатканын белгиледи.
«Ошондой эле өлкө аймагында Өзбекстан, Түркия, Кытай жана башка өлкөлөрдөн келген миграциялык агымдар байкалууда», – деп белгиледи ал.
Калысбеков кошумчалагандай, эгерде мурда негизинен тар адистиктеги адистер келишсе, азыр миграциянын багыттары ар түрдүү болуп калды.
Сүрөт: akipress.org сайтынан алынды