Бул тууралуу EurasiaPluse маалымат агенттиги билдирди.
АКИpress – Эмгек, социалдык камсыздоо жана миграция министрлиги жарандар эмгек укуктары бузулган учурда кандай чара көрүшү керектиги тууралуу маалымат берди.
Эгер жаран мыйзамсыз жумуштан бошотулса эмне кылышы керек?
Эгер жаран аны мыйзам бузуу менен жумуштан кетиришти деп ойлосо, алгач эле жумуш берүүчүгө кайрылышы керек. Эмгек келишимин бузуу жөнүндө буйруктун көчүрмөсүн эки нускада берүү талабы менен арыз жазат. Бир нускасы жаранда калат, ал эми экинчи нускасы кабыл алынгандыгы жөнүндө белгини (каттоо номуру, күнү, кызматы, арызды кабыл алган кызматкердин аты-жөнү жана колу) алуу зарыл. Эгер иш берүүчү арызды кабыл алуудан же белги коюудан баш тартса, аны катталган кат аркылуу билдирүү жана тиркемелер тизмеси менен Эмгек мыйзамдарын көзөмөлдөө жана контролдоо кызматына кайрылып https://trudnadzor.kg/ru/ шилтемеси аркылуу жөнөтүүсү керек.
Маанилүү:
Жумуштан бошотуу тууралуу буйруктун көчүрмөсүн же эмгек китепчесин алган күндөн тартып 2 айдын ичинде жумуш берүүчүнүн жайгашкан жери боюнча райондук (шаардык) сотко кайрылууга болот.
Кооптуу жумуштан баш тартууга болобу?
Эгер жумуш жарандын жашоосуна жана ден соолугуна коркунуч жаратса, жарандын аны аткаруудан баш тартууга толук укугу бар. Бул тууралуу жетекчиге дароо кабар берүү зарыл. Эгерде төмөнкү шарттар болсо, баш тартуу үчүн жаранга эч кандай терс кесепет болбойт:
– жумуш оор жана эмгек келишиминде көрсөтүлгөн шарттарга туура келбесе;
– келишимде көрсөтүлбөгөн зыяндуу же кооптуу шарттар болсо;
– иш берүүчү жаранды жеке коргонуу каражаттары менен камсыздабаса.
Кооптуу шарттар жоюлганга чейин жарандын орточо эмгек маянасы сакталып калат.
Сүрөт: akipress.org сайтынан алынды