Бул тууралуу EurasiaPluse маалымат агенттиги билдирди.
АКИpress – Министрлер кабинети Финансы министрлигине 4 млрд сомго мамлекеттик баалуу кагаздарды чыгарууну тапшырды. Аларды Кыргызстандын коммерциялык банктарынын бири уставдык капиталды көбөйтүү үчүн сатып алат.
Мында мамлекеттик карыз алуулар республиканын ички мамлекеттик карызынын курамына киргизилет. Министрлер кабинетинин 20-майдагы тескемесинде айтылгандай, бул чара баалуу кагаздар рыногун өнүктүрүү, 2025-жылга республикалык бюджеттин ресурс бөлүгүн көбөйтүү жана финансылык туруктуулукту жогорулатуу, мамлекеттик банктардын ишмердүүлүгүнүн масштабын кеңейтүү максатында кабыл алынды.
Финансы министрлигине төмөнкүлөр тапшырылды:
1) Жогорку Кеңештин Бюджет, экономикалык жана фискалдык саясат боюнча комитети менен макулдашуу боюнча «Капитал Банк» ААКтын уставдык капиталын көбөйтүү үчүн 4 млрд сом өлчөмүндөгү акча каражаттарын издеп табуу жана бөлүп берүү.
2) Төмөнкү параметрлер боюнча мамлекеттик баалуу кагаздарды чыгаруу жана жайгаштыруу жолу менен 4 млрд сомго чейинки өлчөмдөгү финансылык каражаттардын түшүүсүн камсыз кылуу:
- түрү – Кыргыз Республикасынын мамлекеттик казыналык облигациялары;
- валютасы – кыргыз сому;
- бир мамлекеттик казыналык облигациянын номиналдык наркы – 100 сом;
- чыгарылыштын көлөмү – 4 трлн сом;
- жүгүртүү мөөнөтү – 15 жыл;
- купондук ставкасы – 0 пайыз;
- негизги сумманы төлөө – жүгүртүү мөөнөтүнүн аягында бир жолку төлөм;
Мамлекеттик карызды эсепке алууда Финансы министрлиги мамлекеттик карыз алууларды республиканын ички мамлекеттик карызынын курамына киргизүүгө милдеттенет.
«Кыргыз Республикасынын 2025-жылга жана 2026-2027-жылдарга карата пландык мезгилге республикалык бюджети жөнүндө» мыйзамга өзгөртүүлөрдү киргизүү жөнүндө» мыйзам долбоорун даярдоодо ведомство тиешелүү өзгөртүүлөрдү кароого тийиш болот.
«Капитал Банкка» 4 млрд сомго мамлекеттик баалуу кагаздарды сатып алуу сунушталды.
Тескеменин аткарылышын көзөмөлдөө Президенттик администрациянын президенттин жана Министрлер кабинетинин чечимдеринин аткарылышын контролдоо башкармалыгына жүктөлдү.
Тескемеге Министрлер кабинетинин төрагасы Адылбек Касымалиев кол койду.
Сүрөт: akipress.org сайтынан алынды