Бул тууралуу EurasiaPluse маалымат агенттиги билдирди.
Turmush — Чүй облусунун Москва районундагы рейд учурунда мыйзамсыз жайда күйүүчү май саткан 2 жаран аныкталып, 6 миң сом айып пул салынды. Бул тууралуу ОИИББ боюнча ЖКККБнын басма сөз кызматы билдирди.
Маалыматка караганда, май айында «Кооптуу жүк» аталыштагы рейд өткөн.
«Рейддин максаты — жол кыймылынын коопсуздугун камсыздоо. Ошону менен бирге унаа жол боюнда мыйзамсыз соода-сатык жүргүзүп, жөө жүргүнчүлөргө жана айдоочуларга кооптуулук жараткандарга бөгөт коюу. Жыйынтыгында, Москва райондук жол тескөөчүлөр тарабынан мыйзамсыз жайда күйүүчү май саткан 2 жаран аныкталып, аларга протокол түзүлүп, ар бирине 3 миң сомдон айып пул салынды», – деп айтылат маалыматта.
Ал эми Москва райондук жол кыймылынын коопсуздугун камсыздоо бөлүмүнөн билдиргендей, аталган 2 жаран Беловодск айылынын тургундары болгон.
«Ар түрдүү рейд өткөн мезгилде жергиликтүүлөргө түшүндүрүү иштерин жүргүзүп келебиз. Ошого карабастан күндүн табы көтөрүлүп турган чакта бактын көлөкөсүнө жашынып, жаш балдарын кароолго коюп, мыйзамсыз жайда күйүүчү май саткандар да аныкталууда», – деп айтылат маалыматта.
Сүрөт: akipress.org сайтынан алынды